Wan ik de
ferliis
wat
düüdj me dan siir?

Ai da hood
ai da kroop
ai da ärme
än ai da biine

Ja san trååt
ouers ja doun ai siir
unti ai slammer
as dåt iine biin åltids siir düüdj

Dåt oome düüdj ai siir
Et as en lait benåårkt
ouer ai sü fool
as foon en ferkäiling

Da reek düütj ai siir
uk ai da mååge
da njörke doue ai siir
än uk ai dåt hart

Weram
jäiw ik et
dan ai
de tu ferliise?

Rucht ik ferliis de
än hääw dan tu önjtschiise
weer ik de nuch iinsen sii
än ik witj:
Dåt näiste tooch
bräingst dü me tiinmol mör unluk
än tiinmol maner luk

Wat wjard ik keere?

Ik wär sanlüs for luk
de weedertusiinj

Da jarste däi wus lacht
da tweede däi wus swåårer
Da treede däi wus swåårer as e tweede
Foon däi tu däi swåårer
Da soowente däi wus sü swåår
dåt et skjart et as ai tu jäiw
Eefter dihheere soowente däi
länge ik me
ål tubääg

(Übersetzt nach Erich Fried "Trennung")